مَتــــَاهة

وَالََّلهَّ يا نـَـاس الحـُــبْ مَتاهة

كِلمـة اِتــــقالـِـت صـَـــدّقناها

أغلى الــناس قالْـهَا وودَّعــنا

وهـِيــّا الكِلمـَة و رَدّْ غـَـطَاها

بِعنا عشـَــانه ســنين عِشـناها

أغــــــلا مَشــَــاعر كــدّبّـناها

وبعد الــعُمر بحــاله رجــِعنا

لنـفس النـُــقـطة الِلّى بدأنـاها

وَالََّلهَّ يا نـَـاس الحـُــبْ مَتاهة

علشان كـــان الصِـدق مَالينا

والأحـــــلام بـِــتـْأَثـِّـر فيـــنا

كُنا يا قلـــبى ضَـحيّة لـِــعبة

رخيـّـصة اِتلـَــعَبِتْ ولعبناها

بَعْد مَا قولنا خـلاص حـَــبّينا

والأيــَّـام إحـــــلوت لـــِـــينا

فجأة لاقينا الـحــُب دا كــدبة

إحنا فى يــوم الـلـى كدبناها

بِعنا عشـَــانه ســنين عِشـناها

أغــــــلا مَشــَــاعر كــدِّبّـناها

وبعد الــعُمر بحــاله رجــِعنا

لنـفس النـُــقـطة الِلّى بدأنـاها

وَالََّلهَّ يا نـَـاس الحـُــبْ مَتاهة

نبكى عليه ولاَّ على الماضى

عُمر بحاله وراح عَ الفاضى

مش ح نــقول دلوقتى ياريتنا

بعد الغلــطة اللــى غلــطناها

بـَــسّ ياريت بُكـــــرة ينَسِّينا

ماضى سِـكنـّـا وعَشّـِـشّ فيِّـنا

نرجـَــع تانى نصَالح روحـنا

بــَـعد مـَــاتــُـهنا وتــَـوِّهناها

وَالََّلهَّ يا نـَـاس الحـُــبْ مَتاهة

كِلمـة اِتــــقالـِـت صـَـــدّقناها

أغلى الــناس قالْـهَا وودَّعــنا

وهـِيــّا الكِلمـَـة ورَدّْ غـَـطاها