ميِن عَلِّمَك

مين علـــمك إن الــهوى حــــيرة وهوان

وإن الوفا أصـبح خلاص مالــهوش مكان

وإنك عـــشان تعــشق ح تتحدى الــزمان

وعشان تعـيش لازم يمــوت كل اللى كان

صـــدقنى دول جـــايين بـــكدب يضـللوك

روح قوللهم أنا روحى فيك مهما يلوموك

مش بــــعد كــل الحـــب دا ح يعــــلموك

وأنا مش ح أفرط فيك عشانهم مهمـا كان

مـــين اللى قال يـــاما الغــرام توه قلوب

وإن الأمل ضـايع مابيـــــن كــل الدروب

مين اللى قال الحب نسمة صيــف يادوب

مبقاش خلاص دلوقتى زى ما كان زمـان

صـــدقنى دول جـــايين بـــكدب يضـللوك

روح قوللهم أنا روحى فيك مهما يلوموك

مش بــــعد كــل الحـــب دا ح يعــــلموك

وأنا مش ح أفرط فيك عشانهم مهمـا كان

مين ضلــلك ميــن علمــك تضـــعف كدا

مين خللا أحـــــلامك تعيــــش متقــــيدة

ويموت نداك من غـــير ماتسمعـله صـدا

وتعامل اللى بيوفى ليــك زى اللـى خان

مين علـــمك إن الــهوى حــــيرة وهوان

وإن الوفا أصـبح خلاص مالــهوش مكان

وإنك عـــشان تعــشق ح تتحدى الــزمان

وعشان تعـيش لازم يمــوت كل اللى كان